29/10/11

POLÍGLOTAS POLIMÓRFICOS E MAGMÁTICOS

Tiña un aquel moi raro
de cuarentón sexaxenario
facía chamadas internacionais
tarifa plana
en latín de canelóns
recheos dun estraño pupurri
de desconexións-

Claro, ninguén collía.
O teléfono chiaba
como un mosquito zumbón.
Desintegráronse de fastío
varias liñas de alta tensión.
O bloqueo chegou a petrificarse
nun furado de neón desparafusado
e as entradas de cine
quedaron ipso facto caducadas en estrías
por consenso e mesmo
se podería dicir por unanimidade
nas votacións implícitas
en todo tipo de manifestacións...

nada importante se temos en conta
que a euforbia ten cáliz triple
e unha das simetrías máis repetitivas
da galaxia inmediatamente inferior
á nosa, chea de constelacións
nacidas para a constatación
da negación

así pois os cravos comezan a arrecender
a mapoula mecánica de plástico pataca
e as inxenuas lilas
enmudecen sonámbulas
baixo as pegadas dixitais
da vara de medir variable dese barón
tan varón

as pedras que se saiba falan
e ti tampouco
en idiomas incompatibles


babel, babel

1 comentario:

orola dixo...

magmáticos e magnánimos, Angola, magma expandíndose fóra das antenas de control. Un abrazazo.