Nubemental………fuga
Unha gran nube mental entroume hoxe na casa
Xúroche que non sei como foi
Unha densa poeira mental entrou e invadiu a miña casa e cando a respirei…buf, que colocón!.....chegoume ata a alma
Falei suplicante coa aspiradora
Díxome que non, que ela non estaba deseñada para aspirar esa porcallada
A moi cabuxa díxome que falase coa vasoira!
Entón decidín falar directamente coa miña mente
Pregunteille se tiña algún dispositivo intelectual
Para proceder a unha autoaspiración
A mente estaba colapsada
Non podía aspirar a nada
Non me dixo si nin non
Nin se lle parecía unha medida urxente
Non en van o que chegara ata ela era unha nube mental
Entón deitei na miña cama
A nube mental perseguíame
Ao tempo que todo o inundaba
Inútil pechar a porta
Inútil abrir fiestras e persianas
A nube non era de moscas
Viñera para quedar mentres non houber algo que a puidese aspirar…..
Daquela, como actuar?
Decidín, iluminada, empezar a amasala
Facer dela unha bóla compacta
Unha bóla con forma de bala
Para poder moldeala nas mans
Moi a modiño, moi de vagar
Para que a quixen transformar?
Para guindala con forza…para arrebolala…
Contra o cristal da ventá
Da torre onde agardan
Rabaños de bicos cautivos de nós
A liscar en desbandada.
8 comentarios:
o atentado foi consumado...o cristal da ventá escachou...por ela nada saiu...entrei gabeando como puiden polos muros da alta torre...dentro achei un cemiterio de bolboretas interactivas...aínda en fase de crisálida...disecadas.
é o que teñen as nubes mentais, en seguida afogan ou quedan en seco. Pura inestabilidade.
bonita sonoridade tiene el galego y más aún los poemas
gracias por ellos
abrazo
Esta música se despliega como desbandada de pájaros que llena el cielo.
Benvido ao Rosanegra, Koala. Galiza é unha nación poética e o idioma é o seu máis valioso estandARTE. Se che gusta como "soa" escrito, non che digo nada cando se canta oralmente. Un saúdo galego para todos os que tomades o traballo de entendelo e disfrutalo.
Ola, Khuai-i-Eszmaill. Alégrame que pillases ao voo esa desbandada. Non deixa de asombrarme que entendas tan ben o que digo sen case dicilo, e ademais dunha maneira que por forza che ten que resultar estraña.
Agradecida.
nube mental, y tal.
nube metal
Publicar un comentario