08/01/13

Este é o retrato / CHUS PATO






ESTE É O RETRATO DUNHA MULLER, morta, pintado

polo seu fillo que seguramente a amaba

e esta, na que agora entras, a casa na que esta muller

viviu.

Unha actriz, coa  voz de todos os escenarios do planeta

recita, para nós, fragmentos en prosa desta muller

que posibelmente habitou estes lugares

e a Rosa

a Rosa que depositaron encol do seu ataúde

a Rosa que despois  desenterraron



a Rosa pode ter dous ou tres mil anos

chegar a medir 150 metros de altura e trinta de diámetro.



Ela, a muller que habitou nesta casa, amaba este xardín

a árbore do amor, a sequoia vermella

e aquí, e desde aquí, noméanos, pronuncia o noso nome

a Rosa

vermella

incólume

inmortal

intacta.

CHUS PATO: Pequena antoloxía



René Magritte: A tumba dos loitadores, 1960