05/10/10

amarelle bravo
Menhir 1


APERTA  CREMALLEIRA EN OITO TEMPOS

1
Quero facer unha festa
Que nos dure varios días
Por celebrar esta aperta
Chea de luz e alegría
2
Porriba dos nosos bicos
veñan pombas a voar
Enchendo de ás os ritos
Que  hoxe imos celebrar
3
Que enchan o aire as campás
Da  negra sombra inmortal
o toque grave do metal
poña  fin ao noso mal
4
que se abran as portas do ceo
pois estou aquí contigo
do mundo nada máis quero
que este amor fero e antigo
5
vén miña avelaíña
pousar na lámpada cega
as túas ás de raíña
indomables non se pregan
6
entra na miña reserva
onde te observe encantado
prende o lume da lareira
do meu fogar enfastiado
7
éncheme sen condicións
de preguntas inocentes
eu quero pór en cuestión
as dúbidas permanentes
8
Se ti mellor o  prefires
podo darche de agasallo
o máis prezado galano
do silenzo dos menhires


Saraares

 Teis2010 
rúa do azar                                   
pedrón do perdón
                                                          

xeometría da chegada e da partida
sempre irregulares e incertas