18/06/11

SER BO






Denis Núñez Rodríguez: Como unha árbore vella pero cheíña de mazás




SER BO

Un elefante paseaba pola miña cociña
díxenlle moi cortesmente
esta non é a casa dun comerciante
de porcelana
estas en cas da poeta
aprende a conducirte
e desapareceu con prudente delicadeza

Un elefante branco esta vez
cousa rara
pasea polo corredor
e eu dígolle
non estás en cas dun energúmeno
e vai el e dime
perdón señora poeta perdón

Coidando 
ter rematado cos elefantes
vou ao meu cuarto
Por principio 
miro debaixo da cama
vostede ben sabe o valor que teñen as palabras
e de novo dou alí cun elefante

Non me enfadei
tampouco pensei que fose unha broma
díxenlle
vén, meu vello,
vén durmir comigo
cada día ten as súas faenas
recoñézoche os beneficios do dereito de asilo
e entón quedei a durmir
tan tranquilamente


ACHILLE CHAVÉE: L'enseignement libre, 1958