Mensaxe
nunha
botella
(Só para ti)
O teu sorriso faime ceibe
Porque me libera de min
A túa manía estática
Dáme vida
Alén da vida
A túa navegación impasible incha as velas da miña nave con vento cósmico (e iso que aínda non relumbra a nosa estrela no horizonte finito que podemos albiscar cos nosos limitados micro-telescopios)
Os teus papaventos fan de min rachas de vento toleirón e xogueteiro
As túas mareas vivas fan de min burleus irónicos
As curvaturas da túa voz núa fánseme evidentes e videntes
Na túa onda chego tan lonxe que me dan cambras coa presión do que adoitamos chamar grandes acontecementos.
Un diccionario mundial tenme moi seriamente conmovida porque chego a acadar con el unha total transparencia na linguaxe saturada de signos e metamorfoses
A túa excelencia faime magnánima
A túa inmolación inmólame
O teu amor namórame
A túa ausencia ausénciame
O teu silencio silénciame
A túa presencia presénciame
O teu rechouchío, se me enuncias, entenréceme e arreguízame e ponme preguiceira
A túa voz se cala fai de min mudez perplexa
A túa nube cóbreme e ampárame ata o punto que estou empezando a pensar que terei que empezar a afeccionarme aos paraugas de todas as cores
O teu desatino desanóame
O teu pranto móllame
As túas citas textuais enrédanme na malla ancha das paixóns inexploradas
Esta é a miña ofrenda, a que nunca sei a quen darei, receptor-a descoñecida-o
Gárdaa no corazón moi adentro
Gárdame, e, por favor, non afundas
Necesítote tanto como ti a min
Perdoa o meu erro básico de pretender inicialmente quen non entendes
Apaña estes fragmentos de min que che dou de maneira espontánea e natural e emocionada
Se choras desoriéntaste e desoriéntasme
Leme serenamente, chántame no teu corazón e cóidame porque xa estou chegando a onde hai que chegar para tocar, realmente tocar as xemas con me mimas dende hai xa un gran momento
Nada debes temer
Xa nacín
Asina: A mensaxe mesma
Destino: a/o afortunado-a recptor-a
Advertencia: o texto non nacerá ata que alguén o lea e o entenda. Mentras tanto andará nonnato por aí como unha almiña en pena.
Outra advertencia: o feito de que os adxectivos da mensaxe estean flexionados en feminino non obedece a que a autora sexa unha muller, senón a que a palabriña MENSAXE é feminina, como todas as que acaban en AXE, agás TRAXE,PAXE, GARAXE.
7 comentarios:
¡Recibido con mucho gusto en este área concreta de la galaxia, Orola! ¡La difusión interplanetaria se lleva a cabo a velocidad pasmosa! ¡Hasta el comandante de la nave se encuentra perplejo!
Muchas gracias de parte de todos.
Orola falou coa mensaxe para informala que alguén pillou a botella e, segundo parece, deu boa conta do seu contido. A mensaxe anda por aí dando brincos toda contenta e púxose a cantar un fado portugués:
NAVEGAR...É PRECISO
VIVER...NON É PRECISO
Non esquezades que soñar lucidamente tamén é preciso. Dígollelo sobre todo a todas as mensaxes engarrafadas que poidan saír da factoría de nonnatas deste barco.
Coidado coas botelliñas!
A entradiña peca de exceso de autoenfoque. Unha mensaxe promocionándose a si mesma! Que diría McLuhan! dende que a galaxia Guntemberg se volveu cibernética parece que todo é posible nos procesos comunicativos.
E mensaje bien dirijido hacia a marte.Increíble, flipo locura c´osmica, recibido, corto t cambio.
http://neuronaeclosion.blogspot.com/
sigo dentro
Las ondas en el mar arrastran una botella a esta orilla, prestosa melisma, como george brassens y la pata de juana. Tanto te dí, tanto da. Es un susurro, lo oígo en mi espíritu. }8);
Publicar un comentario